Farming

ജനുവരി –ഫെബ്രുവരി, മേയ് –ജൂണ്‍, സെപ്റ്റംബര്‍-ഒക്ടോബര്‍ എന്നീ സമയങ്ങളില്‍ വെണ്ട  കൃഷി ചെയ്യാം.

ഇനങ്ങള്‍

          പച്ച / ഇളം പച്ച നിറമുള്ള കായ്കള്‍ : പൂസാ സവാനി , കിരണ്‍ , സല്‍കീര്‍ത്തി, സുസ്ഥിര , ആര്‍ക്ക അനാമിക

          ചുവന്ന കായ്കള്‍ : സി.ഒ -1 , അരുണ മൊസൈക്ക്  രോഗത്തിനെ പ്രതിരോധിക്കുന്നവ: അര്‍ക്ക  , അഭയ , സുസ്ഥിര,  പി-7, വര്‍ഷ ഉപഹാര്‍ , ( കായ്കള്‍ക്ക് പച്ചനിറമാണ് .)

വിത്തിന്റെ തോത് വേനല്‍കാല വിളയ്ക്ക് ഹെക്ടറിനു 8.5  കിലോഗ്രാമും  മറ്റു  സമയങ്ങളിലെ കൃഷിക്ക് 7 കിലോഗ്രാമുമാണ് വിത്തിന്റെ തോത് .  വേനല്‍ക്കാല വിളയ്ക്ക്  ജനുവരി , ഫെബ്രുവരി മാസങ്ങളിലാണ്  വിത്ത്  പാകേണ്ടത് .

വിത്ത് സൂക്ഷിക്കാന്‍

കട്ടിയുള്ള പോളിത്തീന്‍ കവറുകളില്‍  (700 ഗേജ്)  വിത്തുസൂക്ഷിച്ചാല്‍ വിത്തിന്റെ സൂക്ഷിപ്പ് കാലം 7  മാസം വരെ  വര്‍ദ്ധിക്കും.  ട്രൈക്കോഡര്‍മ്മ , സ്യുഡോമോണസ് എന്നിവ കൊണ്ട് വിത്ത് പരിചരണം 10 ഗ്രാം /കിലോ) നടത്തി 5 മാസം വരെ സൂക്ഷിക്കാം .

നടീല്‍

                                              വേനല്‍ക്കാലവിള     മറ്റു സമയങ്ങളിലെ കൃഷി

വിത്തിന്റെതോത്                          8.5 കിലോഗ്രാം                 7 കിലോഗ്രാം

(ഹെക്ടറിനു)

ഇടയകലം                                   60X 30 സെ.മീ              60X45  സെ.മീ             

          ഇനമനുസരിച്ചു  45 cmx 45 cm  ഇടയകലവും അവുയോജ്യമാണ് ,  വിത്തിന്റെ  മുളശേഷിയും കരുത്തും   വര്‍ധിപ്പിക്കുന്നതിന് , വിത്ത്  2  മണിക്കൂര്‍  ഇരട്ടി അളവ് വെള്ളത്തില്‍ കുതിര്‍ത്തു വയ്ക്കണം .  വേനല്‍ക്കാല വിളയ്ക്ക്, വിതയ്ക്കു മുമ്പ്   16  മണിക്കൂര്‍ വിത്ത് കുതിര്‍ത്തു വയ്ക്കണം .  സ്യുഡോമോണസ്  8   ഗ്രാം ഒരു കിലോ വിത്തിന് എന്ന തോതില്‍ പരിചരണം നടത്തുന്നത് വിത്തിന്റെ മുളശേഷിയും കരുത്തും  വര്‍ധിപ്പിക്കും .  വിത്ത് വിതച്ചു കഴിഞ്ഞാല്‍ മണ്ണില്‍ ആവശ്യത്തിന്   ഈര്‍പ്പമുണ്ടെന്നു ഉറപ്പാക്കുക.      

വളപ്രയോഗം

വിത്ത് വിതയ്ക്കുന്നതിനു 15 ദിവസം മുമ്പ് മണ്ണിലെ പുളിരസത്തിന്റെ തോതനുസരിച്ച്  ഹെക്ടറിനു 500 കിലോഗ്രാം    വരെ കുമ്മായം ചേര്‍ത്ത് കൊടുക്കുക .  ഹെക്ടറിന് 25 ടണ്ണ്‍ എന്ന തോതില്‍ കാലിവളമോ   കമ്പോസ്റ്റോ  അടിവളമായി നല്‍കണം. ട്രൈക്കോഡര്‍മ , പി.ജി.പി.ആര്‍  മിശ്രിതം  1 എന്നിവ ഹെക്ടറിന്  2.5 കിലോഗ്രാം എന്ന തോതില്‍ കാലിവളവുമായി ചേര്‍ത്ത് 15  ദിവസം തണലില്‍ സൂക്ഷിച്ച ശേഷം ഹെക്ടറിന് 2 കിലോഗ്രാം എന്ന തോതില്‍ സ്യുഡോമോണസിനൊപ്പം അടിവളമായി നല്‍കണം.

മേല്‍ വളം

        മേല്‍ വളമായി താഴെപ്പറയുന്ന  ഏതെങ്കിലും വളക്കൂട്ടു 8 -  10ദിവസത്തെ ഇടവേളയില്‍ ചേര്‍ത്തുകൊടുക്കണം.

1. പച്ച ചാണക ലായനി – ഒരു കിലോഗ്രാം ചാണകം 10 ലിറ്റര്‍ വെള്ളത്തില്‍ (ഒരു ഹെക്ടറിന്  50 കിലോഗ്രാം ചാണകം  ആവശ്യമാണ്‌) .
2.  ബയോ ഗ്യാസ് സ്ലറി – ഒരു കിലോ സ്ലറി 10 ലിറ്റര്‍ വെള്ളത്തില്‍  ( ഒരു ഹെക്ടറി ലേക്ക്   50  കിലോ സ്ലറി )
3. ഗോമൂത്രം – ഒരു ഹെക്ടറിന്  500 ലിറ്റര്‍ (  8 തവണ നേര്‍പ്പിച്ചതു )
4. വേര്മിവാഷ് – ഒരു ഹെക്ടറിന്  500 ലിറ്റര്‍ എന്നാ തോതില്‍ (8 തവണ നേര്‍പ്പിച്ചതു)
5. മണ്ണിര കമ്പോസ്റ്റ് -  ഒരു ടണ്ണ്‍ ഒരു ഹെക്ടറിന് എന്ന തോതില്‍ .
6. കപ്പലണ്ടി പിണ്ണാക്ക് – ഒരു കിലോഗ്രാം 10 ലിറ്റര്‍ വെള്ളത്തില്‍ ( ഹെക്ടറിന്  50 കിലോ എന്ന കണക്കില്‍)

 മറ്റു പരിചരണ മുറകള്‍

മണ്ണില്‍ ഈര്പ്പാംശമില്ലെങ്കില്‍ ആവശ്യത്തിന് നനച്ചുകൊടുക്കുക .  പച്ചിലകള്‍ , വിളയവ ശിഷ്ടങ്ങള്‍ , വിഘടിപ്പിച്ച ചകിരിച്ചോര്‍ കമ്പോസ്റ്റ് , വൈക്കോല്‍  തുടങ്ങിയവ  ഉപയോഗിച്ചു പുതയിടുക .  വേനല്‍ക്കാലത്ത്  2ദിവസം ഇടവിട്ട് നനയ്ക്കുക.   മഴക്കാലത്ത് കളപറിക്കലും മണ്ണു കൂട്ടിക്കൊടുക്കലും നടത്തുക.

സസ്യ സംരക്ഷണ മാര്‍ഗ്ഗങ്ങള്‍

കീടങ്ങള്‍

          ഇലച്ചാടി , തണ്ട് തുരപ്പന്‍ , കായ്തുരപ്പന്‍ , വെരിനെ ആക്രമിക്കുന്ന നിമാവിരകള്‍ എന്നിവയാണ് പ്രധാന കീടങ്ങള്‍ .

ഇലച്ചാടി

വേപ്പെണ്ണ –വെളുത്തുള്ളി മിശ്രിതം (2%) നിംബിസിഡിന്‍  (2മില്ലി/ലി./എക്കോനീം       (2 മില്ലി./ലി. ) എന്ന തോതില്‍ ഏതെങ്കിലും ഉപയോഗിക്കുക.  ( ഏതെങ്കിലും വേപ്പ് അധിഷ്ടത കീടനാശിനി (  0.3% അസാഡിരാക്ടിന്‍)യോ തളിക്കുക,

കായ് തുരപ്പനും  തണ്ട് തുരപ്പനും

(1)     കീടബാധിതമായ തണ്ടും കായ്കളും  നശിപ്പിക്കുക .

(2)   വേപ്പിന്‍ കുരു മിശ്രിതം (5%)/ ഇഞ്ചി സസ്‌പെന്‍ഷന്‍ (10%)  വേപ്പില സത്ത് (4%) എന്നിവയില്‍  ഏതെങ്കിലും ഒന്നോ  വേപ്പ് അധിഷ്ഠിത കീടനാശിനി അസാഡിറാക്ടിന്‍  (0.3%) അടങ്ങിയിട്ട്ലള്ളതോ  തളിച്ചു കൊടുക്കണം.

(3)   ട്രൈക്കോഗ്രാമ  ചിലോണിസും ട്രൈക്കോഗ്രാമ ജാപ്പോണിക്കത്തിന്റെയും കാര്‍ഡുകള്‍ ,5 സെന്റിന് 1  കാര്‍ഡ് എന്ന തോതില്‍  സ്ഥാപിച്ച ശേഷം ബാസില്ലസ് തൂറിന്ജിയന്‍സിസ് ബാക്ടീരിയല്‍ കള്‍ച്ചറടങ്ങിയ ജീവാണു കീടനാശിനി ഉപയോഗിക്കുക . ( ഡല്‍ഫിന്‍ /ബയോ ആസ്പ് /ഹാള്‍ട്ട് -0.7 മില്ലി/ലി)

(4)   ബീവേറിയ ബാസ്സിയാന  ഉപയോഗിക്കുക.  ( വിപണിയില്‍ കിട്ടുന്ന രൂപിക ഉപയോഗിക്കുക)

ഇലച്ചുരുട്ടിപ്പുഴു  

(1)      ഇലച്ചുരുലുകള്‍  ശേഖരിച്ചു നശിപ്പിക്കുക .

(2)    ബീവേറിയ ബാസ്സിയാന ഉപയോഗിക്കുക.   ( ബയോഗാര്‍ഡ  (5  മില്ലിയ/ലി )

 വേരുബന്ധക നിമവിര

(1)     വേപ്പില /കമ്മ്യൂണിസ്റ്റ്പച്ചയില  (ചെടിയ്ക്ക്‌ 250 ഗ്രാം എന്ന തോതില്‍), നടുന്നതിന് ഒരാഴ്ച് മുമ്പ് തടങ്ങലിട്ടു , ദിവസേന വെള്ളമൊഴിക്കുക. ഇതിന്റെ ഫലം , വേനല്‍ക്കാലത്ത്, വിത കഴിഞ്ഞ്‌75ദിവസം നീണ്ടു നില്‍ക്കും.

(2)   വേപ്പിന്‍ പിണ്ണാക്ക് അല്ലെങ്കില്‍ ആവണക്കിന്‍ പിണ്ണാക്ക് ഹെക്ടറിന്   1  ടണ്ണ്‍ എന്ന തോതില്‍ ചേര്‍ത്ത് കൊടുക്കുകയും ചെടികളുടെ ഇടയ്ക്ക് കെണിവിളയായി ബന്ദിപ്പൂക്കള്‍ നാട്ടുവളര്ത്തുകയും  ചെയ്യുക.

(3)   ബാസില്ലസ് മാസിറന്‍സ് 3% ഉപയോഗിക്കുക .  വിത്തു പരിചരണം നടത്തുക  ആക്രമണം രൂക്ഷമായ പ്രദേശങ്ങളില്‍ വിത്തു പരിചരണത്തിനു പുറമേ ഇതിന്റെ 3% ലായനി , വിതച്ചു 30 ദിവസങ്ങള്‍ക്കു ശേഷം മണ്ണിലൊഴിച്ച് കൊടുക്കേണ്ടതാണ് .

രോഗങ്ങള്‍

          മൊസൈക്ക് രോഗം

   വെണ്ട കൃഷിയില്‍  സാധാരണയുണ്ടാകുന്ന  ഈ രോഗത്തിന്റെ ലക്ഷണം എല്‍ ഞരമ്പുകളിലെ പച്ചപ്പ്‌  നഷ്ടപ്പെട്ടു മഞ്ഞ നിരമാകുകയും, ഞരമ്പുകള്‍  തടിക്കുകയും ചെയ്യുന്നതാണ്. കായ്കള്‍ ചെറുതും, മഞ്ഞകലര്‍ന്ന പച്ചനിറത്തോടു കൂടിയതുമായിരിക്കും.  വെള്ളീച്ച , ഇലത്തുള്ളന്‍ എന്നീ കീടങ്ങളാണ് വൈറസിന്റെ രോഗവാഹകര്‍ .  വേപ്പെണ്ണ , വെളുത്തുള്ളി  മിശ്രിതം രണ്ടു ശതമാനം വീര്യത്തില്‍  നിംബിസിഡിന്‍/ എക്കൊനീം/യുനീം  എന്നീ വേപ്പധിഷ്ടിത  കീടനാശിനികള്‍ രണ്ട് മില്ലീ /ലിറ്റര്‍ എന്ന തോതില്‍ തളിച്ചു കൊടുക്കാവുന്നതാണ്.  വൈറസിന്റെ   വാഹകരായ മറ്റു കളകളെ നശിപ്പിക്കെണ്ടാതാണ്.  രോഗപ്രതിരോധ ശേഷിയുള്ള ഇനങ്ങള്‍ കൃഷി ചെയ്യുകയാണ് ഉത്തമം .