Dept of Agriculture Development 
SFAC Keralaനിലം ഒരുക്കലും നടീലും :
കൃഷി ചെയ്യുന്ന സ്ഥലം ഉഴുതോ, കിളച്ചോ മണ്ണ് നല്ല പൊടിഞ്ഞ രീതിയിലാക്കണം. നന്നായി ഉണക്കി പൊടിച്ച കാലിവളം മണ്ണുമായി കൂട്ടികലര്‍ത്തിയ ശേഷം ചെറിയ ചാലുകളിലോ തടങ്ങളിലോ മേയ് മാസത്തില്‍ തൈകള്‍ പറിച്ചു നടാവുന്നതാണ്. വേനല്‍ക്കാലത്ത് പറിച്ചുനട്ട തൈകള്‍ക്ക് 3-4ദിവസത്തേക്ക് തണല്‍ നല്‍കേണ്ടതാണ്.
നടീല്‍ അകലം :
അധികം പടരാത്ത ഇനങ്ങള്‍ക്ക് 45*45 സെന്റിമീറ്ററും, വെള്ളകാന്താരി എന്ന ഇനത്തിന് 75 * 45-60 സെന്റിമീറ്ററും അകലം നല്‍കേണ്ടതാണ്.
മഴക്കാല കൃഷിക്ക് തൈകള്‍ മേയ്- ജൂണ്‍ മാസത്തില്‍ ലഭിക്കുന്ന തെക്കുപടിഞ്ഞാറന്‍ കാലവര്‍ഷത്തിനു മുന്‍പായി പറിച്ചുനടണം. ജലസേചനം നടത്തി കൃഷിചെയ്യുന്ന അവസരത്തില്‍ സെപ്തംബര്‍ ഒക്‌ടോബര്‍ മാസത്തില്‍ തൈകള്‍ പറിച്ചു നടാവുതാണ്.
മുളക് തൈ പറിച്ചു നട്ട് വളര്‍ത്തുന്ന ഒരു പച്ചക്കറിയാണ്. നഴ്‌സറിയില്‍ വിത്ത് പാകി ഒരു മാസം പ്രായമുള്ള തൈകളാണ് പറിച്ചു നടുന്നത്. മണ്ണും ഉണക്കിപൊടിച്ച കാലിവളവും നന്നായി കൂട്ടി കലര്‍ത്തി 90-100 സെ.മീറ്റര്‍ വീതിയിലും സൗകര്യാര്‍ത്ഥമുള്ള നീളത്തിലും തയ്യാറാക്കിയ ഉയര്‍ന്ന തടങ്ങളിലാണ് വിത്ത് പാകുന്നത്. വിത്ത് പാകിയതിനുശേഷം പച്ചിലകൊണ്ട് പുതയിടുകയും എല്ലാദിവസവും രാവിലെ നനക്കുകയും വേണം. വിത്ത് മുളച്ചു കഴിഞ്ഞാലുടന്‍ പുതയിട്ടിരിക്കുന്ന പച്ചിലമാറ്റണം. പറിച്ചുനടുന്നതിനു മുന്നോടിയായി ഒരാഴ്ചമുന്‍പ് തന്നെ ജലസേചനം നിയന്ത്രിക്കുകയും നടുന്നതിന് തലേന്ന് ജലസേചനം നല്‍കുകയും ചെയ്യണം
വേനല്‍ക്കാലത്ത് 3-4 ദിവസത്തെ ഇടവേളകളില്‍ നന്നായി നനക്കേണ്ടതാണ്. ആവശ്യമെങ്കില്‍ താങ്ങ് കൊടുക്കണം. കളയെടുക്കലിനോടനുബന്ധിച്ച് വളപ്രയോഗവും മണ്ണിളക്കലും നടത്തണം.
ഉണക്കമുളകിന്‍റെ ആവശ്യത്തിനാണെങ്കില്‍ നല്ലത്പോലെ മൂത്ത്പഴുത്ത കായ്കള്‍ മാത്രമേ പറിക്കാവൂ.ഇവ വെയിലത്ത്
നിരത്തിയിട്ട് നന്നായി ഉണക്കിയെടുക്കണം.ഉണക്കിയെടുക്കാന്‍ താമസിക്കുകയോ പറിചെടുത്ത മുളക് കൂട്ടിയിടുകയോ ചെയ്‌താല്‍
അവ ചീഞ്ഞുപോകാണ ഇടയാകും.പച്ചമുളകിന്‍റെ ആവശ്യത്തിനാണെങ്കില്‍ ,മൂപ്പെത്തിയ പച്ചമുളക് പറിച്ചെടുക്കാം.
സെന്റിന് ,100 കിലോ ജൈവവളം 325 ഗ്രാം യൂറിയ, 900 ഗ്രാം മസ്സൂറിഫോസ് , 80 ഗ്രാം പൊട്ടാഷ് എന്നിവ അടിവളമായും, 150 ഗ്രാം യൂറിയ 80 ഗ്രാം പൊട്ടാഷ് , 20-30 ദിവസത്തിനുശേഷവും, 325 ഗ്രാം യൂറിയ രണ്ടു മാസത്തിനു ശേഷവും നല്‍കണം.
