Dept of Agriculture Development 
SFAC Keralaസുര്യ, ശ്വേത, ഹരിത ( ബാക്ടീരിയല്‍ വാട്ടത്തെ പ്രിതിരോധിക്കുന്ന ഇനം) നീലിമ (ബാക്ടീരിയല്‍ വാട്ടത്തെ പ്രിതിരോധിക്കുന്ന എഫ്-1 ഹൈബ്രിഡ്‌).
മഴക്കാല വിളകള്‍ മെയ്‌-ജൂണ്‍ മാസത്തില്‍ കാലവര്‍ഷം തുടങ്ങുന്നതിന്‍റെ മുമ്പായി പറിച്ചുനടുക.നനച്ചു കൊടുക്കാനുള്ള സൗകര്യം ഉണ്ടെങ്കില്‍ സെപ്റ്റംബര്‍ -ഒക്ടോബര്‍ മാസത്തിലും പറിച്ചു നടാവുന്നതാണ്.
ഒരു മാസം പ്രായമുള്ള തൈകള്‍ പറിച്ചു നടുക.,ഒരു സെന്റിലേക്ക് ആവിശ്യമായ വിത്തിന്റെ തോത്- 2 ഗ്രാം.
തവാരണ
തുറസ്സായ സ്ഥലത്ത് 100 സെ:മി വീതിയിലും സൗകര്യപ്രദമായ നീളത്തിലും മേല്‍മണ്ണും നല്ലപോലെ അഴുകിയ ജൈവവളവും ഉപയോഗിച്ച് തടങ്ങളെടുക്കുക.വിത്ത്‌ വിതച്ചതിനു ശേഷം പച്ചിലകള്‍ ഉപയോഗിച്ച് പുതയിട്ടുകൊടുക്കുകയും ദിവസവും രാവിലെ നനച്ചു കൊടുക്കുകയും വേണം.പറിച്ചു നടുന്നതിന്റെ ഒരു ആഴ്ച്ച മുമ്പ് നന നിര്‍ത്തുക്കുകയും പറിച്ചു നടുന്നതിന്റെ തലേദിവസം നല്ലപോലെ നനക്കുകയും വേണം.പ്രോ-ട്രേകളിലും തൈകള്‍ ഉണ്ടാക്കാവുന്നതാണ്.ട്രേകളില്‍ ചകിരിച്ചോറും വെര്‍മികമ്പോസ്റ്റും തുല്യഅളവില്‍ നിറച്ചു ഓരോ കുഴിയിലും ഓരോ വിത്ത്‌ ഇടുക.
നിലമൊരുക്കല്‍
നിലം നന്നായി കിളചൊരുക്കി കളകള്‍ നീക്കം ചെയ്തു നിരപ്പാക്കുക.നിര്‍ദ്ദിഷ്ട അകലത്തില്‍ ( ശ്വേത, സുര്യ എന്നിവ 60 സെ:മി x 60 സെ:മി അകലത്തിലും ,ഹരിത,നീലിമ എന്നിവ 75-90 സെ:മി X60 സെ:മി അകലത്തിലും നടെണ്ടാതാണ്.
വേനല്‍കാലത്ത് 3-4 ദിവസത്തെ ഇടവേളകളില്‍ നന്നായി നനക്കുക.
സെന്റിന് 100 കിലോ ജൈവവളം 325 ഗ്രാം യൂറിയ, 900 ഗ്രാം മസ്സൂറിഫോസ് , 80 ഗ്രാം പൊട്ടാഷ് എന്നിവ അടിവളമായും, 150 ഗ്രാം യൂറിയ 80 ഗ്രാം പൊട്ടാഷ് 20-30 ദിവസത്തിനുശേഷവും, 325 ഗ്രാം യൂറിയ രണ്ടു മാസത്തിനു ശേഷവും നല്‍കണം.
ചെടികള്‍ നട്ട് 55-60 ദിവസമാകുന്നതോടെ ,ഇനങ്ങളുടെ സ്വഭാവമനുസരിച്ച് വിളവെടുപ്പ് ആരംഭിക്കാം.ഏതാണ്ട് 5 ദിവസം ഇടവിട്ട്‌ വിളവെടുപ്പ് തുടരാവുന്നതാണ്.ഇനത്തിന്‍റെയും കാലാവസ്ഥയുടെയും മണ്ണിന്‍റെയും പ്രതേകതകള്‍ അനുസരിച്ച് 20 മുതല്‍ 35 ടണ്‍ വരെ വിളവ് പ്രതീക്ഷിക്കാം.വഴുതനയില്‍ കുറ്റിവിള എടുക്കുന്ന സമ്പ്രദായം നിലവിലുണ്ട്.പ്രധാന വിളവെടുപ്പ് കഴിഞ്ഞാല്‍ ചെടി അടിയില്‍വെച്ചു മുറിച്ചു കുറ്റിയായി നിര്‍ത്തുന്നു.വീണ്ടും നല്ലത്പോലെ വളവും വെള്ളവും നല്‍കിയാല്‍ ഇവ വളര്‍ന്നു നല്ല വിളവു തരുന്നതാണ്.
