Dept of Agriculture Development 
SFAC Keralaകുറ്റിപയര്‍ :ഭാഗ്യലക്ഷ്മി ,കൈരളി,അനശ്വര,വരുണ്‍,കനകമണി.
വള്ളിപയര്‍ :വെള്ളായണി ജ്യോതിക ,ശാരിക,മാലിക,ലോല,വൈജയന്തി.
എല്ലാ കാലത്തും കൃഷി ചെയ്യാം .
വിത്താണ് നടാന്‍ ഉപയോഗിക്കുന്നത്.
വിത്തിന്‍റെ തോത് സെന്‍റിന്
കുറ്റിപയര്‍ - 100 ഗ്രാം
വള്ളിപയര്‍ - 20 ഗ്രാം
കുറ്റിപയര്‍ നടുന്നതിന് 45 സെ:മീ അകലത്തില്‍ ചാലുകളെടുത്ത് അതില്‍ നിര്‍ദേശ പ്രകാരമുള്ള അടിവളം ചേര്‍ത്തിളക്കി
30 സെ :മീ അകലത്തില്‍ വിത്തിടുക.വള്ളിപയര്‍ 2 സെ :മീ അകലത്തില്‍ കുഴികളെടുത്തും 1.5 മീറ്റര്‍ അകലത്തില്‍ ചാലുകളെടുത്തും
നടാം.ചാലുകളില്‍ 45 സെ:മീ അകലത്തില്‍ വിത്തിടുക.
കൃത്യമായ ഇടവേളകളില്‍ ജലസേചനം നടത്തുക.
വളര്‍ച്ചയുടെ ആദ്യഘട്ടത്തില്‍ അധിക ജലസേചനം അമിതമായ
കായിക വളര്‍ച്ചയ്ക്ക് ഇടയാക്കുമെന്നതിനാല്‍ ഒഴിവാക്കുക.
പുഷ്പിക്കുന്ന സമയത്തെ കൂടുതല്‍ ജലസേചനം കൂടുതല്‍ പുഷ്പങ്ങളുണ്ടാകുന്നതിനു സഹായിക്കും.
അടിവളം സെന്‍റിന്
കാലിവളം - 80 കിലോ
കുമ്മായം - ഒരു കിലോ
യൂറിയ - 88 ഗ്രാം
മസ്സൂറിഫോസ് - 600 ഗ്രാം
പൊട്ടാഷ് - 70 ഗ്രാം
മേല്‍വളം
യൂറിയ (തവണകളായി) - 88 ഗ്രാം
പച്ചക്കറിക്കായുള്ള കായ്കള്‍ വിത്തുപാകി 50-60 ദിവസം കൊണ്ട് വിളവെടുക്കാറാകും.നേരത്തെ വിളവു തരുന്ന
മൂപ്പ് കുറഞ്ഞ ഇനങ്ങളില്‍ 45 ദിവസംകൊണ്ട് ആദ്യവിളവെടുപ്പ് നടത്താം.100 ദിവസം വരെ കായ്കള്‍ ലഭിക്കുന്നതാണ്.
മൂപ്പെത്തി നാരുവയ്ക്കുന്നതിനു മുമ്പ് ,ഇളം പ്രായത്തില്‍ തന്നെ കായ്കള്‍ എടുക്കണം.പയറില്‍ 5-6 ദിവസം ഇടവിട്ട്
വിളവെടുക്കാവുന്നതാണ്.
വിഗ്ന അന്ഗ്വിക്കുലേറ്റ എന്ന ശാസ്ത്ര നാമത്തിലുള്ള പയര്‍ മധ്യആഫ്രിക്കയിലാണ് ജന്മമെടുത്തത്.ഉഷ്ണകാലവിളയായ പയറിന്‍റെ ശരിയായ വളര്‍ച്ചയ്ക്കും വിളവിനും 21 ഡിഗ്രീ മുതല്‍ 35 ഡിഗ്രീ വരെയുള്ള താപനിലയാണ് ഏറ്റവും യോജിച്ചത്.
